Бер статусы белән Татарстан өч муниципаль районның һәм республиканың икътисади хәлен яхшыртачак
Татарстанның хакимияте муниципаль районның үсеше һәм регион икътисадын ныгыту буенча зур эш алып бара. Республикаа территориясендә 2 МИЗ эшли: «Алабуга» һәм «Иннополис». 2019 елның 1 июленә кадәр Россия Икътисади үсеш министрлыгында яңа төрдәге МИЗны булдыру турында гариза биреләчәк, ул Камааарты зонасында урнашачак. Төп резидентлар «Татнефть» эшханәләре булачак.
«Татарстанда өченче МИЗны булдыру икътисадның яңа технологияле өлкәләрнең үсешенә, республика һәм илебезнең яңа индустриаль киләчәгенең формалашуга ярдәм итәчәк. Үсеш алган инфраструктура, салым өстенлекләре Россия һәм чит ил инвесторлары өчен үз проектларны тормышка ашыру өчен мәйданны сайлауда сөйкемле факторлар булачак», – дип Татарстанның инвестицион үсеш агентлыгы җитәкчесе Талия Миңнуллина уртаклашты.
МИЗ мәйданы 462 га булачак һәм өч районны берләштерәчәк: Әлмәт районы (249,3 га), Лениногорск районы (58,6 га) һәм Түбән Кама (154.1 га) районы.
МИЗ территориясендә 3 кластер формалашачак дип планлаштырыла: 44 мең тонна күәте булган малеин ангидрид кластеры, 20 мең тонна күәте булган пластмасса һәм полистирол кластеры, 273 мең тонна күәте булган полипропилен кластеры.
2023 елда «Татнефть» нефтегазохимия комплексын булдыру буенча беренче этабын тормышка ашырырга планлаштыра. Аның кысаларында оешмалар 390 мең тонна чимал эшкәртәчәк. Шулай Әлмәттә 1000 артык эш урыны булдырылачак. Инвестицияләр күләме 70 млрд артык сум тәшкил итәчәк.
Фото чыганагы: www.tatarnews.ru